1 март көнне районыбызга эшлекле визит белән Татарстан Республикасының Мәгариф һәм фән министры Илсур Гәрәй улы Һадиуллин килде. Беренче тукталыш Теләче урта мәктәбендә булды, аннан соң Үзәк балалар бакчасында булып, аны капиталь төзекләндерү программасына кертү турында әңгәмә алып барылды. Шулай ук Теләченең беренче номерлы балалар бакчасындагы ремонт барышы белән таныштылар.
Аннары “Киләчәк” яшьләр үзәгендә, Илсур Гәрәевич катнашында,  Укытучылар һәм остазлар елын йомгаклап, Гаилә елына старт бирү чарасы узды. Намуслы хезмәтләре өчен мәгариф хезмәткәрләре һәм фән олимпиадаларында җиңү яулаган укучылар, аларның әти-әниләре бүләкләнделәр. 
Соңыннан, Лесной бистәсендә урнашкан башлангыч мәктәп базасында ел дәвамында эшли торган лагерь булдыру турында уй-фикерләр алышынды.