“Студентлар десанты” проекты кысаларында Теләче урта мәктәбенең 8 “б” һәм 8 "в" сыйныфы укучылары район полиция бүлегенә экскурсия белән бардылар. Россия Эчке эшләр министрлыгының Теләче районы буенча бүлегенең төркем җитәкчесе (шәхси состав белән эшләү төркеме) полиция майоры Илнар Наил улы Зиннатуллин укучыларны бүлекчә белән якыннанрак таныштырды. Россия эчке эшләр министрлыгына һәм Алабуга суворов хәрби училещысына укырга керү тәртибе турында сөйләде. Полиция хезмәткәрләренең махсус хәрби киемнәрен, саклагыч жилет, щит, наручник, автомат кебек әйберләрен күрсәтеп, алар турында тулырак сөйләде.