2023 елның 31 гыйнварында Фатих Хөсни исемендәге Олы Мәтәскә урта мәктәбендә «Мәгариф процессында заманча цифрлы технологияләрне куллану"темасына Теләче районы директор урынбасарлары өчен семинар-практикум үткәрелде. 2021 елдан мәктәп табигый-фәнни фәннәр буенча «үсеш нокталары» үзәге булып эшли. Семинар кысаларында «Үсеш ноктасы» үзәкләре педагоглары үз тәҗрибәләрен тәкъдим иттеләр. Чарада уку процессында һәм дәрестән тыш эшчәнлектә «үсеш ноктасы» үзәкләре җиһазларын куллану мәсьәләләре яктыртылды, заманча циффрлы компетенцияләр формалаштыру, укучыларның функциональ грамоталылыгын камилләштерү өчен дәресләрне интеграцияләү буенча методик алымнар тәкъдим ителде.Химия укытучысы Сөнгатуллин М. М. 10 нчы сыйныфта «Спиртларның үзлекләре» темасына Releon җиһазларын кулланып дәрес күрсәтте .Биология укытучысы Сабирҗанова А. М. " Үсемлек күзәнәген төзү. Микропрепарат әзерләү» темасына ачык дәрес күрсәтте. Физика укытучысы Юнысов А. М. «Физика дәресләрендә мавыктыргыч тәҗрибәләр» темасына мастер-класс үткәрде. Шулай ук семинарда катнашучылар «Агачны эшкәртү технологиясе » (укытучы-Закиров Н.В.) «Робототехника» (укытучы-Солонцов М.А.) түгәрәкләрнең эшчәнлеге белән таныштылар.