31 марта в  спортивном комплексе “Батыр” прошел районный спортивный праздник, в котором участвовали 3 команды воспитанников детских садов села Тюлячи.Вместе с детьми в конкурсных соревнованиях принимали участие их родители.
Мероприятие проводилось отделом образования и Тюлячинским детским садом №3. 
     
  31 нче март көнне "Батыр" спорт комплексы базасында районның мәктәпкәчә белем бирү учреждениеләре арасында "Тел-күңел көзгесе, сәламәтлек-яшәү билгесе" дип исемләнгән массакүләм спорт чарасы узды. Чарада  Теләче балалар бакчаларының мәктәпкә әзерлек төркеме балалары һәм ата-аналарыннан торган командалар катнашты.
    Ярышлар балалар һәм ата-аналарның көч һәм җитезлеген сынау гына түгел, ә һәр команданың бердәмлек күрсәткече дә булды. Ярышучыларга команданың биш конкурс биремендә үзләренең җитезлеген, тизлеген һәм ныклыгын күрсәтергә кирәк иде.
    Җиңүче исеме өчен түбәндәге командаларга көрәшергә туры килде: «Җитезләр», «Көчлеләр» һәм «Тиктормаслар». Командалар «Төшермә», «Капчык белән сикерү», «Тизрәк тапшыр», «Аркан тарту» бәйгеләрендә көч сынашты. Барлык командалар да өй эшләрен башкаруга иҗади якын килделәр: барысының да матур эмблемалары, эчтәлекле девизлары бар иде. 
    Чараларда балалар гына түгел, өлкәннәр дә күтәренке кәеф һәм энергия алдылар. Ярышлар арасында концерт номерлары куелды. Нәтиҗәдә иң җитез, иң спорт сөюче һәм тату командалар ачыкланды. Ярышларның җиңүчесе булу мөһим түгел, иң мөһиме, барысы да бәйрәм атмосферасын тойдылар. Спорт бәйрәменең төп нәтиҗәсе-балаларга һәм өлкәннәргә бергә җыелып, уртак максатка ирешүдә омтылыш күрсәтү өчен тагын бер мөмкинлек булды.

Фото