Бүген Лесной балалар бакчасына кунаклар кабул итте. Татарстан Республикасы Экология һәм табигый байлыклар министрлыгының Төньяк Территориаль идарәсе белгече Латыш Фирдәүс Камил кызы, Татарстан Республикасының Биологик байлыклар буенча дәүләт комитеты  белгечләре Әхмәтҗанов Рәшит Зиннур улы, Абдрахманова Гөлнара Ильяс кызы, Саба урманчылыгы “дәүләт казна учреждениесе Ленин урманчылыгының лесничий ярдәмчесе Дәүләтшин Назыйф Мөхәмәтнур улы безнең балалар бакчасына килде. Кунакларга  “Урман аланында” дип исемләнгән  чара күрсәттек.Чарабызның төп максаты туган ягыбызның табигатенә мәхәббәт тәрбияләү, аны саклау, булган байлыкларыннан дөрес файдалану иде. Балаларның чыгышын кунакларыбыз бик ошатты. Үзләре дә буш кул белән килмәгәннәр. Балаларга кызыклы, эчтәлекле китаплар алып килгәннәр. “Я и Красная Книга” бәйгесендә катнашып, икенче урын алган  Сөләйманова Г.М. грамота һәм бүләкләр бирделәр. Бакча хезмәткәрләренә рәхмәт хатлары тапшырдылар.