Яз- табигать фасылынын иң матур вакыты. Тирә- якка карасаң бар дөнья уянган, агачларда бөреләр күренә, чиста, саф һава. Күңелнең бер җиренә шом салып, болытлар еламсырап утыра, кояш та кереп качкан. Шулай булуга карамастан,  без бүген агачлар арасын җыештырырга чыктык. Корыган ботакларын алдык, тирә-ягын тырмаладык. Агачларга да тәрбия кирәк, җимеш бирә торганнары үзләренең муллыгы белән сөендерсә, башкалары сулар һавабызны чистарта. Һәр кеше табигатьне  чистартырга, агачлар утыртырга, яшеллек дөньясын булдыруда үзенең өлешен кертергә тиеш. Балалар бакчасында күмәк эшләрдән соң балалар һәм хезмәткәрләр белән эшебезгә нәтиҗә ясала. Кечкенә сабыйлар да чисталык булдыруның нинди әһәмиятле һәм кирәк эш икәнен аңлап утыра. Белем һәм тәрбия бирү кече яшьтән үк дөрес оештырылганда гына эшебезнең нәтиҗәсе уңай булыр.