Бүген Лесной балалар бакчасында тәрбияче балалар белән “Кошларны каршы алу” темасына әңгәмә уздырды. Әңгәмәдә балалар  кошлар турындагы белемнәрен ныгытты, безнең якларда кышлаучы һәм күчмә кошларны танып белергә өйрәнде,  канатлы дусларыбызга карата кайгыртучанлык, сак мөнәсәбәт тәрбияләнде. Тәрбияче балаларга кошларның рәсемнәрен күрсәтте. Рәсемнәр буенча балалар ул кошлар турында бар белгәннәрен әйттеләр.  Балаларга өйләренә эш бирелгән иде. Алар әтиләре, абыйлары белән ясаган сыерчык ояларын кайда урнаштырулары турында сөйләде.

 Тәрбияче балаларга язгы кояш нурларының җылы булуын, көннәрнең җылынуын, табигатьнең уянуын әйтте. Ә менә безнең кошкайлар,үзләренең дәртле авазларын тирә-якка таратып, тирә-ягыбызга ямь өсти. Без якын дусларыбызны рәнҗетмәскә, аларга яшәү өчен ярдәм итәргә тиеш диде.