Лесной балалар бакчасында  балаларны тәрбияләүдә төп мәсьәлә булып туган илгә,туган төбәккә карата мәхәббәт һәм хөрмәт хисе  тәрбияләү тора.  Ләкин иң беренче чиратта халкыңның үткән тормышын, тарихын белү кирәк. Тәрбияче балаларны татар халкының традицияләре, гореф-гадәтләре, күңел бизәкләре белән таныштыра. Бүген без  балалар белән Лесной мәдәният йортына экскурсиягә бардык. Анда балалар  татар халкының күңел бизәкләре-орнаментларын карады. Балалар  кулдан ясаган әйберләрне  бик ошатты.  Экскурсиядән алар бик  күп кызыклы мәгълүматлар белән кайттылар.

Халкыбызның күңел бизәкләре

Кул эшләрендә дә күренә,

Кулъяулыклар, сөлгеләрен чигеп

Элә халкым өе түренә.

Кул эшләренә бай минем халкым,

Һәр бизәктә шатлык, мәдхия,

Һәр бизәкнең үз матурлыгы бар,

Шуңа халкым башларын ия.