Бүген, без  балалар белән Лесной башлангыч  мәктәбенә   “Соңгы кыңгырау” бәйрәменә  кердек. Бәйрәм тантанасы матур җырлар, шигырьләр  белән бергә үрелеп барды. Балалар кадерле укытучыларга үзләренең рәхмәт сүзләрен җиткерделәр, үз чиратында укытучылар да балаларга  хәерле ак юллар теләде. Бәйрәмдә  Лесной урманчылыгы җитәкчесе Сагдиев Алмаз да катнашты, ул урманчылыкта төрле эшләрдә булышкан балаларга истәлекле бүләкләр тапшырды.

     Бәйрәм тәмамлангач, тәрбияче балалар белән әңгәмә корды. Ул балаларга тәрбия һәм белемне кечкенә яшьтән үк туплый башларга кирәклекне әйтте. Тәрбияче һәм укытучы апаларның авыр һәм ихтирамга  лаеклы хезмәтләре турында сөйләде. Әңгәмә бик кызыклы һәм мавыктыргыч булды. Балалар тәрбиячегә  үзләренең хыяллары турында   серләрен чиште.