Лесной балалар бакчасында бәйрәмнәрне әти-әниләр дә, балалар да бик ярата. Бүген балалар бакчасында “Гаилә бәйрәме” уздырылды.  Бакча мөдире  килгән кунакларны бәйрәм белән котлаганнан соң, “Милли бизәкләр”  бәйгесенә нәтиҗә ясады. Күңел җылысын биреп, вакытларын кызганмыйча ясаган кул эшләре искиткеч матур булган, әти-әниләргә  рәхмәт сүзләре җиткерелде. Бәйрәмнең икенче өлеше балаларның чыгышы белән дәвам итте. Берсеннән-берсе оста балалар җырладылар, шигырьләр сөйләделәр, төрле биюләр башкардылар. Тамашачылар шау-гөр китереп кул чапты, йөзләрендә шатлык нурлары иде.

     Менә әти-әниләргә дә чират җитте, алар да үзләрен төрле яктан сынады. Белемле, җырга-моңга гашыйк, тормышның матурлыгын күрә белгән әти-әниләрнең үзләренә дә сокланмый кала алмадык. Төрле ярышларны яхшы күрсәткечләр белән тәмамлаган әти-әниләр белән бәйрәмебез табын артында дәвам итте. “Гаиләләр нык, тигез, имин булганда гына балаларыбызга рәхәт. Шушы шатлыклы мизгелләр һәр гаиләгә бүләк булсын иде” - дип тәмамлады сүзен бакча мөдире.

Любите и цените счастье!

Оно рождается в семье,

Что может быть ее дороже

На этой сказочной земле.