Лесной балалар бакчасында балалар табигатьтәге үзгәрешләр белән даими танышып баралар. Кышкы көннәр дә үзе бер могҗизага тиң. Әле тиз генә җылытып җибәрә,  шул арада салкын, ул да булмый котырып буран чыга. Тәрбияче балаларга бүген үсемлекләр дөньясындагы үзгәрешләр турында  сөйләде.  Балалар  тәрбияче белән берлектә, суган утыртты.  Алар аны даими күзәтеп, нинди үзгәрешләр булганын язып барырга булдылар. Балалар  үзләре эшләгәнгә бик куандылар. “Тиздән яшелләнеп суган кыяклары тишелеп чыгар. Ә аларга без су сибәрбез. Үсемлекләргә дә кешегә кирәк булган шикелле су, һава, җылылык кирәк. Санап кителгән шартлар дөрес үтәлергә тиеш.” – дип аңлатты тәрбияче балаларга. Балалар кечкенәдән үк һәр нәрсәне аңлап үсәргә , ә тәрбиячеләр бу эшкә зур этәргеч бирергә тиеш