6 мая в Тюлячинском деском саду № 3 "Шатлык" прошло обучение воспитателей детских садов. Учебу провела методист районного отдел образования Саетова Анна Николаевна. В ней также приняли участие воспитатели, прошедшие тьюторские курсы: воспитатель по русскому языку детского сада № 2 "Кояшкай" Ярмиева Зульфия Мидхатовна и воспитатель по татарскому языку детского сада №1 Сабирзянова Лейсан Миннехановна.Выступающие ознакомили обучающихся с основами программы "Килэчэк", утвержденную решением Кабинета Министров РТ.

6 май көнне Теләченең 3 нче номерлы “Шатлык” балалар бакчасында тәрбиячеләр өчен укулар булып узды. Укуларны Район мәгариф бүлеге методисты Сәетова Анна Николаевна оештырды. Тьюторлар курсларында укып кайткан тәрбиячеләр: Теләченең икенче номерлы “Кояшкай” балалар бакчасының рус теле тәрбиячесе Ярмиева Зөлфия Мидхәтовна белән Теләченең беренче номерлы балалар бакчасының татар теле тәрбиячесе Сабирзянова Ләйсән Миннехановна чыгыш ясады. Чыгыш ясаучылар тәрбиячеләрне Татарстан Республикасы Министрлар Кабинеты карары белән гамәлгә куелган 2010-2015 нче елларда Татарстан Республикасында мәгарифне үстерү стратегиясе “Киләчәк” программасы кысаларында мәктәпкәчә белем бирү учреждениеләрендә Татарстан Республикасы дәүләт телләрен өйрәтү программасы белән таныштырдылар. Казан һәм Яр Чаллы иҗат төркемнәре эшләгән УМК лар турында сөйләделәр:

1 – Гаффарова Сабилә Муллануровна иҗат төркеме әзерләгән, татар балаларын рус теленә өйрәтү буенча «Изучаем русский язык» комплекты;

2 – Зарипова Зифа Мирхатовна иҗат төркеме әзерләгән, рус балаларын татар теленә өйрәтү буенча «Татарча сөйләшәбез» - «Говорим по-татарски» комплекты;


3 – Хәзрәтова Фирүзә Вакилевна иҗат төркеме әзерләгән татар балаларын ана теленә өйрәтү буенча «Туган телдә сөйләшәбез» комплекты;

4 комплект – мәктәпкәчә әзерлек төркеме балалары өчен «Мәктәпкәчә яшьтәгеләр әлифбасы: авазларны уйнатып» (татар балалары өчен) авторы: Шәехова Резеда Камилевна, «Раз – словечко, два - словечко» пособиесы (занимательное обучение татарскому языку) авторы Шәехова Резеда Камилевна.

Татар теленә өйрәтү буенча әзерләнгән мультимедиа ресурслары белән дә таныштырдылар. Алар: 

- Татар телендә чыгарылган 5 мультфильм («Татармультфильм» берләшмәсе)

- Эшләнелгән 45 анимацион сюжет

- «Әкият илендә» телевизион тапшыруы (ТНВ каналында трансляциягән)

- Татар телендә өч дисктан торган музыкаль әкиятләр - «Африка хикмәтләре», «Сертотмас үрдәк», «Бардым күлгә, салдым кармак...» , «Бииләр итек-читекләр» (Луиза Батыр-Булгари) татарча балалар җырлары, «Шома бас» (29 көй) татарча бию көйләре.

- «Союзмультфильм» тарафыннан татар теленә тәрҗемә ителгән 8 мультфильм.

Укулар бик җанлы, эчтәлекле узды, тәрбиячеләр үзләрен кызыксындырган сорауларга җаваплар таптылар.