3нче октябрь көнне район мәдәният йортында Укытучылар көне уңаеннан тантаналы чара булып узды. Бәйрәмгә район барлык мәктәпләреннән укытучылар, балалар бакчалары хезмәткәрләре һәм мәгариф ветераннары җыелган иде. Бәйрәм барышында сәхнәдән залда утыручы педагогларга котлау сүзләре һәм теләкләр яңгырады, шулай ук хезмәтләрендә уңышка ирешкәннәре сәхнә түрендә бүләкләнде. Бүләкләнүчеләр арасында Теләченең беренче балалар бакчасы тәбиячеләре Хисамутдинова Л. Н.,Муликова Г. Ф. , Мухаметзянова М. Е. да бар иде. Чын йөрәктән аларны әлеге лаеклы бүләкләре белән котлыйбыз, алга таба да биек үрләр яулауларын телибез!