Балалар бакчасында чыгарылыш – ул балалар өчен иң якты, көтеп алынган һәм онытылмас бәйрәм, ул  мәктәпкәчә чорның тәмамлануын символлаштыра.Беренче номерлы балалар бакчасында чыгарылыш кичәсенә әзерлек бик дулкынландыргыч һәм җаваплы булды. Бәйрәмчә бизәлгән залда чыгарылыш балаларының әти-әниләре һәм чакырылган кунаклар җыелды.Балалар үзләренең балалар бакчасында узган елларда алган белемнәрен һәм осталыкларын күрсәттеләр. Җырлар башкардылар, искиткеч биюләр белән шаккатырдылар һәм мәктәптә яхшы укырга вәгъдә иттеләр. Иң дулкынландыргыч мизгел әти-әниләрдән сюрприз булды.Безнең чыгарылыш балаларына һәм аларның әти-әниләренә сәламәтлек, тормыштагы гаҗәеп күңелле вакыйгалар һәм гаять зур җиңүләр телибез!