Һәр ел саен 26 апрельдә яраткан шагыйребез Габдулла Тукайның туган көне билгеләп үтелә. Шагыйрьнең китаплары балаларны туган ягыбызның матурлыгын күрергә өйрәтә, мәрхәмәтле, гадел һәм кыю булырга өнди.
18 апрель көнне Теләче балалар китапханәсендә безнең балалар бакчасында тәрбияләнүчеләр өчен «Тукай дөньясына сәяхәт» дип исемләнгән әдәби сәгать үткәрде. Әлеге чарада балаларга шагыйрьнең ятим үткән балачагы, катлаулы тормыш юлы һәм иҗаты турында сөйләнде. Балалар үзләре дә Тукай шигырьләрен һәм әкиятләрен яттан сөйләделәр, аның кайберләрен сәхнәләштереп тә күрсәттеләр: "Су анасы",  "Шүрәлене". "Тукай әсәрен таны" дигән кечкенә генә викторина да балалар күңеленә хуш килде. Алар рәхәтләнеп сорауларга җавап бирделәр. Ә ахырда бергәләп Тукай әкиятләре буенча эшләнгән мультфильмнар карадылар һәм «Тукай яши безнең күңелләрдә» китап күргәзмәсенә күзәтү ясадылар.