Теләченең беренче номерлы балалар бакчасында эшләүче барлык тәрбиячеләрне дә игелекле максат – сәламәт һәм мәктәпкә яхшы әзерлекле балалар тәрбияләү берләштерә. Мәгарифне модернизацияләүнең яңа этабында тәрбия һәм белем бирүнең сыйфатын күтәрү педагогик берләшмәләр алында торган бурычларның берсе. Педагоглар арасында педагогик хезмәттәшлекнең бик күп формалары бар. Шуларның берсе булып тәҗрибә уртаклашу тора. Шушы араларда үзләренең эш тәҗрибәләре белән Башарова Л.Х., Кашапова Л.Ш, Хисамутдинова Л.Н. бүлеште. Балалар эшчәнлегенең төрле төрләрен, шул исәптән белем бирү эшчәнлеген, ачык карауны методик яктан грамоталы оештыру белем бирү шартларында педагогның квалификациясен өзлексез күтәрүгә, аларның алдынгы педагогик тәҗрибәсен югары теоретик-гамәли дәрәҗәдә аңлауга ярдәм итә, аның һөнәри осталыгын һәм күнекмәләрен камилләштерә.