Балалар бакчасының еллык планы нигезендә, ТАССРның 100 еллыгы һәм туган телләр һәм бердәмлек елы планнарын үтәү максаты белән Теләченең 1 нче номерлы балалар бакчасында милли костюмдагы иң яхшы курчак дигән бәйге үткәрелде. Конкурста балалар бакчасының әти-әниләре һәм педагоглары катнашты. Бәйгенең максаты: балалар бакчасында патриотик тәрбия статусын күтәрү, педагогларының, ата-аналарның һәм балаларның патриотик тәрбия өлкәсендәге эшен активлаштыру. Катнашучылар яхшы, сыйфатлы, оригиналь, кием ясау эстетикасын, шулай ук костюм детальләрен ясау техникасында осталыкларын күрсәттеләр. Халык мәдәнияте белән кызыксынуны арттыру, Идел буе халыклары турындагы белемнәрне киңәйтү, педагогларның һәм ата–аналарның патриотик һәм әхлакый сыйфатларын үстерү, педагогларның балалар бакчасының милли мәгарифен үстерүгә керткән шәхси өлешен халык алдында тану ачыкланды. Конкурста актив катнашкан барлык әти-әниләргә дә тирән рәхмәтебезне белдерәбез. Алга таба да зур уңышлар юллыйбыз!