Профилактик чара кысаларында мәктәпкә әзерлек төркеме балалары Россиянең  эчке эшләр министрлыгы Теләче районы буенча ЮХИДИ бүлегенең административ законнарны үтәү буенча инспекторы Р.Х. Назиров белән берлектә 1 октябрь көнне "бала + юл = иминлек"рейды үткәрделәр.

Акциянең төп максаты-балаларны дөрес юл аркылы чыгарга өйрәтү генә түгел, ә тизлек режимын саклау, җәяү  йөрү вакытында җәяүлеләрнең һәм машина йөртүчеләрнең игътибарын арттыру.

Кагыйдәләр балалар һәм өлкәннәр өчен бердәм, әмма алар "зурлар” теле белән язылган һәм балаларга һәрвакытта да аңлаешлы түгел. Шуңа күрә сабыйларга юлда үз-үзеңне дөрес итеп тотарга өйрәтергә кирәк. Билгеле булганча, балачакта беркетелгән гадәтләр гомер буе кала. Менә шуның өчен дә  кечкенәдән балаларны юл йөрү кагыйдәләренә өйрәтергә кирәк. Бу эштә ата-аналар, мәктәпкәчә учреждениеләр, шулай ук әйләнә-тирәдәге барлык кешеләр дә катнашырга тиеш. Юл хәрәкәте иминлеген тәэмин итүдә иң мөһим проблемаларның берсе-балалр бакчаларында балаларның юл-транспорт имгәнүләрен профилактикалау.

Акция ахырында балаларга караңгы вакытта урамда үзеңне тоту кагыйдәләре турында белешмәлекләр тапшырылды.