Булачак балаларның сәламәтлеге дә экологиянең торышына бәйле, димәк, планетадагы һәр кеше безнең уртак йортыбыз турында кайгыртуның мөһимлеген аңларга тиеш.

Бүген балалар бакчасы территориясендә түгәрәк җитәкчесе Муликова Г.Ф. «Табигать белгечләре» дигән экологик квест - уен оештырды. Педагоглар белән бергә балалар экологик сукмак уздылар һәм һәр станция буенча барлык биремнәрне үтәделәр. Команда уенында барлык катнашучылар да экологик маҗаралы вакыйгаларда булдылар һәм һәр бала команданың уңышына нәкъ менә аның белеменнән, гамәлләреннән торуын аңлады. Нәтиҗәдә, барлык балалар да Татарстан Республикасы экология һәм табигый байлыклар министрлыгының Төньяк территориаль идарәсенең экологик тәрбия буенча белгече Латыш Ф. К. дан  бүләкләр кабул иттеләр.