Бүген Теләченең 1нче балалар бакчасында районның мәктәпкәчә белем бирү учреждениеләре педагоглары өчен " Мәктәпкәчә яшьтәге балаларга белем бирүдә мәгълүмати-коммуникацион технологияләрнең мөмкинлекләре һәм белем бирүнең сыйфатын күтәрү шартлары " диеп аталган семинар узды. Семинар барышында, Мөлекова Г.Ф. һәм Сабирҗанова Л.М. бакчада информацион технологияләрне куллану алымнары турында мастер- класслар күрсәттеләр. Район мәгариф бүлеге методисты Шөгаепова Г.М. педагогларның сайты һәм аның мөмкинлекләре турында сөйләде. Педагогларның күпсанлы сорауларына җаваплар бирде. Семинар бертавыштан уңышлы һәм нәтиҗәле узды дигән фикергә киленде. Алган белемнәрен һәм күнекмәләрен педагоглар, һичшиксез, практикада кулланачаклар.