Күптән түгел безнең балалар бакчасында балаларның көтеп алган иң күңелле җәйге бәйрәме- “Су көне”булып узды. Чараның төп максаты- балаларның су турындагы белемнәрен киңәйтү, сәламәт яшәү рәвеше алып бару, аларның җитезлеген арттыру, яхшы кәеф булдыру булды. Бәйрәмдә барлык балалар да катнашты. Көтеп алынган кунак- Нептун белән балалар төрле уеннарда үзләренең көчләрен сынаштылар: су белән йөгерделәр, көймәләр батырдылар, диңгез төбеннән кабырчыклар эзләделәр, асфалтька диңгездә яшәүчеләрне ясадылар. Чараның кульминацион өлеше иң күңеллесе буды. Балалар рәхәтләнеп су сибештеләр. Әлбәттә, татар халык мәкалендәгечә, беркемдә судан коры чыга алмады.