Менә ямьле җәй айлары да килеп җитте, тагын бер уку елы артта калды.  Шулай булуга да карамастан, без балалар бакчасында эшебезне дәвам итеп балаларның көннәрен кызыклы чаралар белән үткәрәбез: төрле уеннар, квестлар, ярышлар уздырабыз.  Җәйнең беренче атнасында Теләче 1нче номерлы балалар бакчасында үзебезнең тирәлектә һәм диңгезләрдә яшәүче балыклар белән танышу, аларны өйрәнү атналыгы үткәрелде. Атналык барышында балалар балыкларны рәсемнәрдән, презентация слайттан карау һәм тану, аларның исемнәрен дөрес әйттерү эшләре алып барылды.  Бу көннәрдә режим моментларда, шул күзәтүләрдән чыгып, балыкларның  рәсемнәрен ясау, кәгазьдән кисеп ябыштыру, әвәләп ясап, шигырьләр өйрәнеп балалар белемнәрен ныгыттылар. Атна ахырында урамда  “Алтын балыкны эзләгәндә” дигән квест үткәрелде. Балалар төрле биремнәр эшләп алтын балыкны табуга ирештеләр. Бу квест балаларга бик ошады, барысы да теләп катнаштылар, кәнагать калдылар.  Шушы эшләр аша балаларда табигатькә һәм аның тереклекләренә сакчыл караш  хисләре тәрбияләнде.