17 апрель көнне  “Батыр” спорткомплексында  “Әти, әни һәм мин  - спорт сөюче гаилә” диеп аталган  спорт  бәйрәме булып узды. Бәйрәмне Теләченең  балалар бакчалары  физик үсеш тәрбиячеләре  Фәсхетдинова Р.И., Хәбирова А.Р.,   Валиахметова Г.И. оештырды.  Бәйрәмдә Теләченең 1,2,3 номерлы балалар бакчаларының мәктәпкәчә әзерлек төркеменә йөрүче  балалары һәм аларның әти-әниләре катнашты. “Өй җыештыру ”, “Җитез пар”, “Барыбыз бергә”   - иң  кызык   ярышлар  буларак  истә калды. Өч команда да  бик җитезләр, кыюлар иде. Дуслык җиңде. Бәйрәм ахырында катнашкан һәр гаиләгә дә истәлекле грамоталар тапшырылды. Бәйрәм бик күңелле узды. Балаларга да , әти-әниләргә дә бәйрәм бик ошады.