Үз шәһәреңне, авылыңны, районыңны, үз республикаңны өйрәнү – болар барысы да ватанга мәхәббәт тойгыларын ныгыталар, аны тагын да эчтәлеклерәк һәм тирәнрәк итәләр. Яхшырак белгән һәм яраткан нәрсәнең кадерен күберәк беләсең. Шул максаттан һәм Теләченең 30 еллыгы уңаеннан 17 нче март көнне Баландыш авыл китапханәсендә “Туган җирдә бәхет татлырак” дип исемләнгән тарихи -туган якны өйрәнү сәгате үтте. Баландыш балалар бакчасы балалары белән китапханәгә төштек, чарада катнаштык. Китапханәче балаларга Баландыш авылының килеп чыгышы, чишмәләре, авылның күренекле кешеләре, район тарихындагы вакыйгалар турында сөйләде, күргәзмәләр, альбомнар белән таныштырды. Бала өчен зур Ватан кечкенәдән, үзенең торган җиреннән, районыннан, авылыннан, урамыннан башлана. Шуңа күрә баланы туган җирен яратырга өйрәтү әхлак тәрбиясенең иң мөһим өлеше булып тора.