Әти-әниләр арасында “Шәҗәрә- күңел көзгесе “бәйгесе игълан ителгән иде ,шул бәйгегә нәтиҗә ясадык.Бәйгедә катнашкан әти-әниләргә диплом һәм бүләкләр тапшырдык. Аларга бу бәйгедә катнашу үзләре өчен дә кызыклы һәм файдалы булды. Шәҗәрә аша кешеләр ата-бабаларының дәвамчысы булуларына төшенделәр. Шәҗәрәне белү аларда туган илгә, җиргә, телгә мәхәббәт һәм сак караш тәрбияләргә, туганнарга, кардәш-ыруга, күрше-күләнгә хөрмәт һәм кайгыртучанлык күрсәтеп яшәргә кирәклеген күрсәтә. Туган-тумачаңны, нәсел-нәсәбеңне белмичә, туган җиреңне, туган халкыңның тарихын белеп булмый. Шәҗәрәләр безгә халкыбызның үткән юлын, чал тарихын сөйли. Кешеләрнең, гаиләләрнең өзелмәс җепләр белән уралган язмышлары аша без төрле җирләрдә сибелеп яшәгән татарларның кан-кардәшләр икәнен күрәбез. Ата-анасын, милләтен, ата-бабаларының изге туфрагын хөрмәт итеп, кадерләп караган, шулар хакына файдалы эшләр кылып яшәгәннәрне халык та хөрмәт итә бит.