Безнең балалар бакчасында сабыйларны төрле һөнәрләр белән таныштыру эше дәвам итә.  Шул уңайдан табиб, шәфкать туташы һөнәрләре  белән якыннан танышу һәм балаларда әлеге һөнәр ияләренә карата  кызыксыну уяту, хөрмәт тәрбияләү максатыннан балалар белән   Алан авыл фельдшер акушерлык пунктына  сәяхәткә бардык.Балаларны фельдшер Розалия апалары үзенең эше  һәм төрле медицина инструментлары белән дә таныштырды.Шулай ук ул балаларга төрле киңәшләрен бирде,грип вакытында саклану чаралары турында да сөйләде. Балалар табиб һөнәренең бик мөһим һәм әһәмиятле икәненә төшенделәр.