9 август көнне ,безнең Алан балалар бакчасына, районыбызның балалар бакчалары мөдирләре август киңәшмәсенә җыелды. Киңәшмәдә Алан балалар бакчасы мөдире Авхарова Г. М.һәм тәрбияче Гарипова А.Ф. чыгыш ясады. Районыбызның мәктәпкәчә белем бирү буенча  методисты Саетова А.Н. тарафыннан узган уку елындагы эшчәнлеккә йомгак ясалды. Шулай ук, «Юл хәрәкәте иминлеге” дәүләт бюджет оешмасының Саба бүлеге җитәкчесе  Ягафарова Г.Н.  педагоглар алдында чыгыш ясады Ул уку елы барышында юл кагыйдәләрен үзләштерүдә бик актив катнашкан балалар бакчаларына истәлекле бүләкләр һәм мактау кәгазьләре тапшырды. Киңәшмә оешкан төстә, эчтәлекле һәм файдалы үтте.