Бүген, 6 ноябрьдә, Татарстан Республикасы Конституциясе көне билгеләп үтелә. 32 ел элек ТРның Төп законы кабул ителде.
Документ нигезенә 1990 елның 30 августында үз көченә кергән Татарстан дәүләт суверенитеты турында декларация ятты. Аны Татарстан АССР Югары Советы рәисе Минтимер Шәймиев имзалады. Татарстан Конституциясе 6 ноябрьдә кабул ителде, ә 1992 елның 30 ноябрендә имзаланды.
"Совет конституцияләре (1936 һәм 1977 еллар конституцияләре генә түгел, ә союздаш һәм автономияле республикаларның конституцияләре дә) шактый прогрессив һәм демократик маддәләрдә булды, алар аерым алганда хезмәт һәм ял хокукын, бушлай белем, вөҗдан иреген, сүз, матбугат иреген игълан итте. 1992 елның 6 ноябрендә кабул ителгән Татарстан Конституциясе тексты күрсәткәнчә, республика шул шартларда формалаша торган федерациядә максималь дәрәҗәдә азатлык дәрәҗәсен теркәгән, - дип күрсәтте КФУның Социаль-фәлсәфи фәннәр һәм массакүләм коммуникацияләр институтының политология кафедрасы профессоры Сергей Сергеев.
Татарстан Республикасы Конституциясен кабул итү аның үсешенең һәм гомумроссия масштабында абруе үсешенең хокукый алшартлары тудырды.
Документ дәүләт корылышын, социаль-икътисадый сәясәт юнәлешләрен билгеләде, кеше һәм граждан хокукларының һәм ирекләренең өстенлеген, шулай ук барлык татарстанлыларның тигез мөмкинлекләрен беркетте.