26  октябрь көнне мәктәптә 8-11 сыйныфлар өчен “Гражданнарның Конституцион хокуклары һәм бурычлары” дигән темага парламент дәрес е үтте.  Бүгенге көндә илебездә 1993 елда кабул ителгән Конституция гамәлдә йөри. Элеккеге  Конституция белән чагыштырганда хәзергесендә яңа статьялар бар.  Алар безнең ил гражданнарына тулырак хокуклар бирүгә  юнәлтелгән.   Конституциянең  II бүлеге (17 - 64 статьялар) гражданнарның  хокуклары һәм ирекләренә багышланган. Бу хокук һәм ирекләрне без 4 төркемгә бүлеп карыйбыз: шәхси, сәяси, социаль –икътисадый  һәм мәдәни хокуклар. Хокуклар белән беррәттән безнең ил гражданнарының бурычлары да бар: салым түләү, табигатьне, Ватанны, тарихи –мәдәни байлыкларны саклау, балалар һәм өлкәннәрне кайгырту, балаларга урта белем  алуны тәэмин итәргә, Конституция һәм илнең төп законнарын үтәү. Тарих укытучысы Яхина Рүзилә Анваровна балаларны шушы бурычлар һәм һәрбер төркемгә керүче хокуклар белән таныштырды.