Укытучылар көне уңаеннан мәктәбебездә төрле елларда эшләп лаеклы ялга чыккан 21 хезмәт ветеранын хөрмәтләү кичәсе үтте. Бәйрәмне җылы котлау һәм рәхмәт хисләре белән Теләнче Тамак  авыл җирлеге башлыгы Р.Ш.Назметдинов ачып җибәрде. Ул өлкәннәребезгә сәламәтлек, бәхетле тыныч картлык теләде. Соңыннан 5 сыйныф укучылары әдәби – музыкаль кичә күрсәттеләр. Шулай ук укытучылар коллективы да бик матур концерт  программасы әзерләгән иде. Хезмәттәшләребез Рәсилә Шарафутдинова, Зилә Гайнетдинова, һәм кызлар ансамбле башкарган җырларны, Рүзилә Яхинаның башкорт халык биюен, Гөлсинә Арсланованың тирән эчтәлекле шигырьләрен ветераннар бик яратып кабул иттеләр, алкышларга күмделәр. Концертны  педагог – оештыручы Энҗе Гимазетдинова алып барды. Өлкәннәребез мул табын артында рәхәтләнеп сөйләшеп, хәтирәләр яңартып, үзләре дә уеннарда катнашып ял иттеләр, бер – берсе белән аралаштылар. Бәйрәм соңында мәктәп  директоры Лилия Дилбаровна Исхакова үзенең изге теләкләрен җиткерде, хезмәтләре өчен рәхмәт әйтте.