Бүген мәктәптә "Укыту-тәрбия процессында укучыларның сәламәтлегенә һәм һөнәри әзерлегенә юнәлеш бирү" темасына гомуми ата-аналар җыелышы уздырылды.

18 март көнне 1 класста "Әлифба"  бәйрәме узды. Укучылар 3 чирек буена  җырга, биюгә,   нинди һөнәрләргә өйрәнгәннәрен, кызыклы әкият өзекләрен күрсәттеләр. Әти-әниләр дә кечкенә чакларын искә төшереп "Шалкан" әкиятен куйдылар. Башлангыч класс укытучылары 1 нче класс укучыларын бәйрәм белән котлап, изге теләкләрен теләп кечкенә күчтәнәчләр тапшырдылар.

Мәктәптә кошлар көненә әзерлек эшләре башланып китте. 1 класс укучылары Сагманова Алсу белән Ганиева Сөмбел кошларга матур оялар алып килделәр.

Бүген мәктәп китапханәсендә "Әкияттә кунакта" дип исемләнгән әдәби кичә үткәрелде. 2 класс укучылары 1 класс укучыларына "Шалкан" һәм "Ике ялкау" әкиятен сәхнәләштерделәр (җитәкчеләре: Агзамова Г.А., Файрушина А.Х.).

Сегодня состоялась втреча с представителями Казанского кооперативного института.

Башлангыч класс укучылары 8 март бәйрәме уңаеннан әниләренә истәлекле бүләкләр әзерләделәр.

Узган атнада Казан шәһәрендә 25 - 29 февраль көннәрендә русс теле һәм әдәбияте фәннәреннән республика күләм олимпиадалары узды. Безнең мәктәптән 9 класс укучылары русс теленнән Шәймарданова Назлия һәм русс әдәбиятыннан Ихсанова Зәлия катнаштылар. Алар икесе дә уңышлы гына катнашып республика күләм призёрлар булдылар. Кызларга һәм аларны әзерләгән укытучылары Шәрәфиева Энҗе Авгановнага алдагы елларда да тагын зур уңышларга ирешүләрен теләп калабыз. Афәрин!!!

Башлангыч класс укучылары арасында "Әтиемә бүләгем" бәйрәм открыткалары әзерләнде. Әлеге бүләкләрне укучылар әтиләренә бирделәр.

Бүген Ватанны саклаучылар көне уңаеннан "Егетләрнең дә-егете бит!" бәйгесе уздырылды. Бәйгедә һәр класстан егетләр үзара көч сыныаштылар, кызлар исә егетләргә үзләренең музыкаль сәламнәрен юлладылар.