Химия фәне үзе куызыклы да, мавыктыргыч та. Безнең химия укытучыбыз Карпова В.В. - 25 ел стажы булган остаз. Аның укучылары биология, экология фәннәреннән район олимпиадаларында һәр елдагыча быел да җиңүчеләр булдылар.Республикада үткәрелгән экология фәне буенча олимпиадада аның укучысы зур сайлаулар үтеп, катнашты. Район укытучылары арасында иң яхшы химия укытучысы буларак, "Ел укытучысы - 2015"бәйгесендә дә ул сынатмады. Аңа иҗади уңышлар, тырыш укучылар теләп калабыз.

Мәктәбебезнең математика һәм информатика укытучысы "Ел укытучысы - 2015" бәйгесенең сайлап алу этабын үтеп,муниципаль этапның  2 турыда катнашу хокукы алды. Круглое Поле урта мәктәбендә ачык дәрес, үз фәне буенча мастер-класс күрсәтте. Без үзебезнең укытучыларыбыз белән горурланабыз. 

12 нче февральдә Новотроицк урта мәктәбендә “Иң яхшы әйдаман” бәйгесенең район туры узды. Әлеге бәйгедә безнең мәктәптән 1-3 нче сыйныфларның әйдаманы Галиева Илүзә дә катнашты. Ул “Иң иҗади әйдаман” номинациясендә җиңүче булды.

null

Чәршәмбе көнне 5 сыйныф укучылары сыйныф җитәкчесе Мингалимова Р.Р.белән Күзкәйдә күптән түгел генә оештырылган янгын куркынычсызлыгы депосына юл тоттылар Аларның максаты – янгын куркынычсызлыгы сафында торган абыйларны күреп, аларның эш шартлары белән танышып, кызыксындырган сорауларына җавап табу иде. Янгын сүндерү машинасы йөртүчесе Алексей абыйлары рөхсәте белән алар машинага да утырып карадылар, махсус киемнәрен дә киеп карадылар, сигналын да бирделәр. Кызык сораулар биреп, абыйларының күңелләрен дә күтәрделәр. Мавыктыргыч очрашудан калган хисләр бик озакка барды.Юл буе да малайлар шул турыда сөйләшеп кайттылар.

10 нчы февральдә 1-4 сыйныф укучылары  Күзкәй авыл җирлегендә урнашкан “Россия почтасы” бүлекчәсенә сәяхәткә бардылар. Алар почта бүлекчәсенә кергәндә,  почта йөртүче машинаның көнлек газета -журналлар, хатлар алып килгән мәле иде. Шулай итеп, укучылар авылга  газета -журналларның ничек килеп җитүен, хатларның сәяхәт итүен белделәр.  Почта хезмәткәрләренең  ничек эшләве белән дә кызыксындылар.  Почта хезмәткәрләренең эшенең зур җаваплылык соравын да белделәр. Почтада эшләүче апалар балаларны үзара хат язышырга, белемле булу өчен газета-журналларга язылырга чакырды. Почта хезмәткәрләре һәрвакыт тырышып укуларын теләп калдылар.

9 нчы февральдә 6-7 нче сыйныф укучылары “Ярыш “ җитештерү берләшмәсенең  машина-трактор паркына һәм эре-мөгезле терлекләр асрала торган фермага экскурсиягә бардылар. Алар монда эшләүчеләрнең хезмәт шартлары белән таныштылар. Берләшмә җитәкчесе Шәйхаттаров Р.Р. балаларны авыл-хуҗалыгында эшкә калырга өндәде.”Сез - авылның киләчәге. Тормыш итү өчен авылда барлык шартлар да тудырылган. Авыл кешесе гомер-гомергә тырыш, булдыклы булган. Тырышып укыгыз, белемле булыгыз”, - диде.ул. 

“Чаңгы юлы -2015” Бөтенроссия акциясе һәр елдагыча оешкан төстә узды. Барлык укучылар, укытучылар бу көнне чаңгыга басты. Шулай ук баскан килеш мылтыктан ату да укучыларга ярышлар алдыннан тагын бер тапкыр күнегү булды.

6 нчы февраль көнне мәктәпкә Әкият апа кунакка килде. Кечкенәдән үк әкият сөюче 2 нче сыйныф укучылары төрле әкият геройлары төсле киенеп, район методистлары, әти-әниләре алдында имтихан тоттылар. Түгәрәк җитәкчесе Индера Мөхтаровна белән өйрәнгән әкиятләрен уйнап күрсәттеләр.

Шул ук көнне “Оста куллар” түгәрәге укучылары да түгәрәк утырышында үз куллары белән ясаган сәнгать җимешләреннән күргәзмә оештырдылар.Яшь, талантлы Инзилә апалары үзе дә оста, балаларга да шул осталыкларын җиткерү өчен зур тырышлык куя, иҗади якын килә.

27 нче гыйнвар көнне тарих укытучысы Хасаншина Н.Х. җитәкчелегендә Герой пионерларга багышланган чара узды. Укучылар Бөек Ватан сугышы елларында авылдашларыбызның пионер сафларында тору чорында күрсәткән фидакәръ хезмәтен чагылдырган материаллар белән таныштырдылар. Герой исемен алган пионерларның туган илебезнең азатлыгын яулап алу өчен күрсәткән батырлыклары турында сөйләштеләр.