Бүген мәктәбебезнең беренче сыйныфлары өчен иң истәлекле көн - "Әлифба бәйрәме" булып узды. Укучылар үзләренең җырга-биюгә осталыкларын, тырышлыкларын, тапкырлыкларын күрсәттеләр: хәрефләрдән сүзләр төзеп укыдылр, математик мәсьәләләр чиштеләр, кызыклы сорауларга җавап бирделәр. Бәйрәмне шаян Шүрәле, Убырлы, "Әлифба", "Туган тел", "Азбука", «Математика» тагын да күңеллеләндерде. Чарада барлык башлангыч сыйныф укучылары катнашты.    1 сыйныф укучысын бәйрәм белән мәктәп директоры - Салихов Н.Г., укытучылар һәм укучылар, әти-әниләр тәбрикләде, истәлекле бүләкләр тапшырдылар. Бәйрәм чәй табыны артында дәвам итте.