Бүген мәктәптә тыл ветераннары белән очрашу-кичә булып узды. Очрашуда сугыш чоры балалары, мәктәп директоры Салихов Н.Г., авыл советы җирлеге башлыгы Гобәев Ә.М., укытучылар һәм укучылар катнашты. Кичәне Хикмәтова Э.Х. алып барды.  Әдәби-музыкаль композиция барышында сугыш авырлыкларын үз җилкәләрендә татыган, олы тормыш юлы үткән өлкәннәребез үз язмышлары турында сөйләделәр. Укучылар аларны игътибар белән тыңладылар, рәхмәт йөзеннән, кулдан ясалган открыткаларын бүләк иттеләр. Очрашу чәй өстәле артында дәвам итте.  Ветераннар укучыларга тыныч тормыш, бәхетле балачак, сәламәтлек теләделәр. Хәзерге заман мөмкинлекләреннән файдаланып, төпле белем алыгыз дигән теләктә калдылар.