Ватанны саклаучлар көне уңаеннан башлангыч сыйныф укучыларының “Әтием –горурлыгым” исемендә әтиләр белән очрашу кичәсе булып узды. Очрашуга барлык әтиләр дә килгән иде. Бәйрәм балаларны концерт программасы белән башланып китте. Аннан соң әтиләр үзләренең хәрби хезмәтләре турында , армиядә чакта булан  кызыклы һәм истә калган вакыйгаларны тәфсилләп  сөйләделәр, балаларга үзләренең киңәшләрен бирделәр: “Армиядә хезмәт иткән егет кенә чын ир була ала. Моның өчен спорт белән дус булырга, яхшы укырга кирәк”, - дип ассызыклады алар. Дембель альбомнарын карау балаларга аеруча да кызык булды. Һәр баланың үз әтисе белән горурлану хисләре ташып торды. Әтиләренә үзләренең  зур ихтирам һәм ярату белән ясаган кул эшләрен тапшырдылар. Әтиләр бәйрәмне оештырган һәм үткәрән өчен укытусыларга: Загидуллина Р.Р., Нигматуллина Ч.Н. һәм Хикматова Э.Х.га рәхмәт белдерделәр.