Һәр халыкның, һәр милләтнең йөзек кашы булырдай гүзәл шәхесләре, олы талантлары, бөтен кешелек дөньясы тарихында тирән эз калдырган затлары була. Бөек шагыйребез Габдулла Тукай, һичшиксез, әнә шундый олы шәхесләрнең берсе.Тукайны зурлау, аның бөеклеген буыннардан-буыннарга җиткереп бару — безнең күңелләребезгә хуш килә торган изге бурычыбыз. Бүген мәктәбебездә "Тукай яши безнең күңелләрдә " исеме астында класстан тыш чара булып узды. Башлангыч сыйныф укучылары бөек шагыйрьнең шигырьләрен сөйләделәр, викторина сорауларына җавап бирделәр,  ә өлкән сыйныф укучылары аның иҗатына карата сәхнәләштерелгән композиция күрсәттеләр. Чара татар халкының гимнына әйләнгән "Туган тел" җыры белән тәмамланды.