Лагерның өченче көне- тылсымлы әкиятләр көне дип исемләнгән иде. Бүгенге көннең планы кызыклы һәм тылсымлы итеп төзелде. Иртәнге зарядкадан соң тәрбияче Загидуллина Р.Р.  балалар белән әңгәмә -  сәламәтлек минуты үткәрде. Иртәнге аштан соң балалар авыл китапханәсенә юл тоттылар. Аларны китапханә хезмәткәре Тәнзилә апа Йосыпова каршы алды, балалар өчен булган  яңа китаплар белән таныштырды. Җәйге каникулда уку өчен тылсымлы әкиятләр тупланган китаплар тәкъдим итте. Төшке ашка чакыру да озак көттермәде. Туклыклы төшке аштан соң  тәрбиячеләр Загидуллина Р.Р. һәм Хәйруллина Р.Ф. "Борын-борын заманда..." дип исемләнгән конкурс оештырдылар. Монда ял итүчеләр командаларга бүленеп бер әкият сәхнәләштерергә тиеш иде. Бәйгедә барлык укучылар да бик теләп катнашты. Бүгенге көн балаларның күңеленә хуш килде, көнебез файдалы һәм күңелле узды.