Бүген укучылар, укытучылар һәм әти - әниләр өчен  иң тантаналы һәм истәлекле көннәрнең берсе - "Соңгы кыңгырау" бәйрәме. 9 ел буе укучылар өчен мәктәп - йорт, ә укытучылар - ата-ана булдылар. Быел мәктәбебез бусагаларын 2 егет һәм 6 кыз атлап чыгып китәләр. Бу көн шатлыклы һәм шул ук вакытта бераз моңсу да. Чөнки балалар үзләренең туган мәктәпләрен, укытучыларын калдырып китәләр.

   Бүген иртәдән үк мәктәп янында музыка уйнады, балалар барысы да матур итеп киенеп, кулларына чәчәк бәйләмнәре тотып мәктәпкә ашыкты. Чөнки әлеге бәйрәм һәрбер балага да якын.Бәйрмә тантаналы рәвештә сәг.10.00да башланып китте. Әти- әниләр бәйрәмнең иң төп кунаклары булдылар. Бәйрәмне "Мәктәп " дип аталган "Балачак иле" патшабикәсе -хөрмәтле  директоры - Котдусова Г.Ю. башлап җибәрде. Бәйрәмне оештырды һәм алып барды  Хикматова Э.Х. Укучыларны бәйрәм белән котларга Байраш авыл җирлеге советы башлыгы - Хайруллин И.С., МУП МПП Тетюшское директоры Рифкать Тәлгать улы килгәннәр иде. 9 сыйныф укучылары үзләренең беренче укытучыларына - Нигматуллина Чулпан Хамис кызына, 5тән алып 9 класска кадәр кулларыннан ңитәкләп килгән - Зиганов Нияз Әнәс улына, мәктәп директоры - Котдусова Гөлназ Юныс кызына һәм гомумән барлык мәктәп коллективына, әти - әниләренә күңелләрендә булган рәхмәт хисләрен аерым - аерым  җиткерделәр. Күңелләрне йомшарта, күзләрдән яшьләр килә торган матур җырлар башкардылар, шигырьләр сөйләделәр.