Өлкәннәр көне уңаеннан мәктәбебездә бик зур бәйрәм булып узды. Чара авылыбызның мөхтәрәм кешеләрен тәбрикләүләр белән башланып китте. Авыл башлыгы Гыймранов Б.Н. өлкән буын кешеләрен кайнар котлап сүзне Тәтеш муниципаль районы Башлыгының урынбасары Илдар Роберт улы Фәтхулловка бирде. Ул барлык өлкән буын кешеләрен бәйрәм белән котлап хезмәтләре өчен рәхмәтен җиткерде. Авылның китапханәсе, мәдәният йорты һәм мәктәп коллективы әзерләгән концерт һәм "Пар алмалар" сәхнә күренеше белән дәвам иткән бәйрәм бердәм чәй эчү белән тәмамланды. Оештыручыларга бик зур рәхмәт!