8 нче март – Халыкара хатын-кызлар бәйрәме алдыннан Алабирде урта мәктәбендә татар халкының йөзек кашы, намусы, киләчәге булган хатын- кызларыбызның милли йөзен саклап калу, гореф-гадәтләребезне, йолаларыбызны кире кайтару, телебезгә ихтирамлы мөнәсәбәт булдыру  максаты белән, “Татар кызы - 2023” бәйгесе  үткәрелде. Бәйрәмне мәктәп директоры Гарифуллин В.Ю. ачты. Ул барлык хатын- кызларны якынлашып килүче Халыкара хатын – кызлар көне белән тәбрик итте, кызларыбызга уңышлар теләде. Бәйге “Кызларыбыз белән якыннан танышу”, “ Сорауларга җавап бирү”, “Аш – суга осталыкларын тикшерү”, “Иҗади сәләтләрен ачыклау”  дигән       4 турда уздырылды. Кызларыбыз әлеге сынауларны бик уңышлы үттеләр. Конкурс нәтиҗәсе буенча алар бүләкләр алдылар.