21 февральдә барлык  җәмәгатьчелек  Халыкара   туган тел көнен билгеләп үтә. Ел саен бу көнне мәктәбебездә укучыларыбыз өчен  кызыклы һәм файдалы чаралар оештырабыз.  Бүген 5-11 нче сыйныф укучылары арасыннан сайлап алынган 4 команда: "Аспарух"," Зилант", " Текә кишерләр" һәм "Арагил" көч сынашты.   Җиңү "Зилант" файдасына булды.  "Нәфис сүз остасы" конкурсында 11 нче сыйныфтан Рәзил Зәйнуллин җиңүче дип табылды. Җирле шагыйрь Исхак Фәйзи белән шигъри мәҗлес укучылар күңелендә матур хатирә булып сакланыр.   Ахырдан  Габдулла Тукайның “Туган тел” җырын 11 нче сыйныф укучысы Гайнетдинова Эльвирага кушылып башкарылды. Чараларны татар теле укытучылары Гарифуллина Л. Р. белән  Заһидуллина Ә. Г. оештырды.  Шунысы сөендерә, балалар үз туган телләренең  җәүһәр мирасы булган язучыларны, аларның әсәрләрен беләләр.  Димәк, әле безнең  киләчәгебез өметле, туган телебез яшәячәк дигән сүз.