26 апрель көнне Россиядә дөньякүләм тарихта иң куркыныч даталарның берсе - Чернобыль атом электр станциясе һәлакәтенә 35 ел тулуны билгеләп үтәләр. 1986 елның 26 апреленә каршы төндә реактор һәм дүртенче энергия блогы бинасын ике көчле шартлау тетрәтә. Атмосферага иксез-чиксез күләмдә радиоактив матдәләр күтәрелә. Чернобыль АЭС зонасында авария нәтиҗәләрен бетерүдә 600 меңгә, шул исәптән республикабыздан 12 меңгә якын кеше катнаша. 

 21 апрель 14:00 cәгатьтә ТУРЫ ЭФИРДА ,Татарстан Республикасы Президенты каршындагы Татар телен саклау һәм үстерү мәсьәләләре комиссиясе ярдәмендә үтүче «МИЛЛИ МУЛЬТFEST» Республика балалар кинофестиваленең II этап тавыш бирү чарасы shayantv.ru сайтында булып узды.Безнең мәктәптән катнашып,фестивальның финалына житкэн "Мәктив" коллективыннан бу чарада Галяутдинов Азат катнашты.Тапшыруны алып баручысы һәм Татарстанның халык артисты Рамиль Чыңгыз улы Төхвәтуллин биргән сорауларга лаеклы җаваплар бирде.
 

Космонавт булу авырмы, моның өчен нинди кешелеклелек сыйфатлары кирәк – бу сорауларга укучылар җавап бирде. Планетаның беренче космонавты Юрий Алексеевич Гагарин язмышы ачык мисал булды. Космонавт турындагы хикәя «Кеше һәм космос»электрон презентациясен күрсәтү белән үрелеп барды. Балалар 1961 елның 12 апрелендә «Байконур» космодромында булган вакыйгаларның шаһиты булдылар, очыш алдыннан һәм вакытында Гагарин тавышы тыңладылар. Чарага тематик китаплар җыю оештырылды.

Телләр айлыгы кысаларында 6 апрель көнне " Фразеологизмнар әйләнә-тирәбездә»дип исемләнгән рәсем конкурсы узды. Конкурста 6-8 сыйныф укучылары катнашты. Фразеологизмның үз таланты, осталыгы һәм карашы һәр катнашучы үз картинасына күчте. Барысы да үз эшләре аша фразеологизмга үз карашларын җиткерү теләген күрсәттеләр.

Нәүрүз - язгы бәйрәм. Бу гүзәл бәйрәм көнендә кешеләр бер-берсенә кунакка йөриләр, бер-берсенә булган үпкәләрен оныталар, җырлыйлар, бииләр, рәхәтләнеп күңел ачалар. Бу бәйрәмнең хуҗасы - Нәүрүзбикә.Ямбакты мәдәният йорты хезмәткәрләре белән мәктәбебез берлектә халкыбызның йолаларын, гореф-гадәтләрен яшьләргә, балаларга өйрәтү максатыннан Нәүрүз бәйрәмен үткәрде.

Республиканың гомум белү бирү оешмаларында шахмат зоналары ачу буенча “Бердәм Россия” сәяси партиясенең махсус проекты тормышка ашырыла башлады. Әлеге проект кысаларында укучыларга шәхси һәм интеллектуаль үсеш өчен шартлар тудыру, аларны шахматка җәлеп итү, уйнарга теләүче яшүсмерләр санын арттыру, файдалы ял оештыру планлаштырыла.Шушы проект кысаларында безнең мәктәптә дә шахмат зонасы булдырылды.Авылыбыз депутатлары мәктәп укучыларына ике комплект өстәл шахматы, аларга махсус сәгатьләр һәм магнитлы стена шахматы бүләк иттеләр.

Кадерле гүзәл затларыбыз – мәктәбебездә эшләүче хатын-кызлар!Сәламәтлек, мәхәббәт, күтәренке кәеф телим сезгә! Эшегездә, тормышыгызда, гаиләгездә һәрвакыт барысы да имин генә булсын. Һәр көнне елмаеп, шатланып, ышаныч һәм күңел тынычлыгы белән каршы алыгыз! Бәйрәм белән сезне!

Бүген безнең мәктәптә 8 март,хатын-кызлар көненә багышланган мероприятияләр булды.Башлангыч сыйныфлар командаларга бүленеп 8 март бәйрәме турында белемнәрен тикшерделәр.Күп уеннар уйналды,табышмаклар әйтелде.Ахырдан Әниләргә багышлап җыр җырладылар.