21 нче февраль - Халыкара туган тел көне.  Бу бәйрәм телләр һәм мәдәният төрлелеген сакларга, үстерергә чакыру буларак яңгырый, башка милләт ке­ше­ләрнең телләрен ихтирам итәргә, кадерләргә өйрәтә. Туган телен кадерләгән халык кадерле булыр! Укучылар  бу көнне үзләре өйрәнгән шигырьләрен сөйләделәр, җырлар җырладылар.

 Башлангыч сыйныф укытучысы Садретдинова Розалия Салих кызы "Хикмәтле дә,  бизәкле дә туган тел!" дип исемләнгән интеллектуаль уен үткәрде. Укучылар ике командага бүленеп көч сынаштылар. Туган ягыбызга,әдәбиятка, туган телебезгә кагылышлы сорауларга бик актив җавап бирделәр. "Сөембикә оныклары" командасы белән "Тукай варислары" арасында көчләр бертигез барды. Ике команда да бертигез баллар яулап алды. Афәрин,  укучылар!..