10 октябрь көнне Көек авылында Алиш премиясе лауреатлары белән очрашу кичәсе булды

Хөрмәтле хезмәттәшләр! Бәйрәм белән Сезне. Һәрберегезгә тыйнак һәм белемле укучылар белән эшләргә язсын. Сәламәтлек, зур уңышлар юлдаш булсын!

Һәр елны безнең мәктәп яны бакчасыннан күп уңыш җыеп алына. Быелгы уку елында да мәктәп бакчасында укучылар тырышлыгы белән яшелчә, җиләк җимешләр үстерелде.Инде көз җитеп уңышны җыеп алу вакыты да килеп җитте. Быелгы елны аеруча бакчабызда уңыш күп үскән.Чөгендер белән кишернең уңышын күреп шаккатырсың!

1 октябрь көнне -Олылар көне. Бу көн безнең мәктәптә дә эзсез үтми. Бу елны да укучыларбәйрәмгә бик тырышып әзерләнделәр. Дәү әти һәм дәү әниләрен бәйрәм  тамашасына чакырып, аларга концерт тамашасы куйдылар

27 сентябрь көнне- Табигатне саклау көне. Бу көн уңаеннан һәрбер сыйныфларда да чисталык дәресләре үтте. Шулай ук укучылар мәктәп тирәсендәге террриторияне дә җыештырдылар. Күл буендагы чүп -чарны юк иттеләр.

23  сентябрь көнне Болгар шәһәрендә Бөтен Россия буенча җиңел атлетика кросслары булып узды. Бу бәйрәмгә Көек мәктәбеннән физкультура укытучысы Гимальдинов Фидаэль, тарих укытучысы Казаков Айдар, ә укучылардан Фаттахов Айнур, Гайфуллин Нәфис, Абдрахманов Данис, Гумиров Ильнур бардылар. Алар үзләренең көчләрен 2013 м га йөгерүдә сынап карадылар.

15 сентябрь көнне безнең районыбызда авыл хуҗалыгы продукциясе ярминкәләре булып узды . Бу ярминкәдә һәрбер мәктәп  үзенең җитештергән, үстергән продукциясен халыкка тәкъдим итте. Көек мәктәбеннән дә укучылар үзләренең укытучылары Садрутдинова Нурзилә апа һәм Салихова Люция апа белән мәктәп бакчасында үскән яшелчә саттылар. Ярминкәгә укучылар үзләренең кул эшләрен дә алып барганнар иде. Матур , төсле җепләрдән бәйләнгән оекбашларны бик тиз алып бетерделәр. Бу ярминкәдә алып килгән барлык продукция дә аз вакыт аралыгында сатылып бетте

15 сентябрь көнне мәктәбебездә бер үк вакыттан ике тантаналы вакыйга булып узды. Шуларның беренчесе-5 сыйныф укучыларын варисларга кабул итү, икечесе- балалар язучысы Абдулла алишның туган көне. Бу бәйрәм чарасы А.Алишның һәйкәле янында үтте.5 сыйныф укучылары Муртазин Айдар һәм Садрутдинова Гөлгенә үзләренеңварис булып өлгереп җиткәннәрен тагын бер кат расладылар,шулай ук кичәдә Алишның батырлыгы, аның әсәрләре турында сөйләнде.

Бүген безнең мәктәбебездә 1сентябрь -Белем Бәйрәме булып узды.Бәйрәмдә районыбызның мәдәният бүлеге җитәкчесе Фәргат Шакирович та катнашты. Тантаналы линейкадан соң һәрбер сыйныфта да "Универсиада-2013"дип исемләнгән сыйныф сәгатләре булып уздылар