Болгар шәһәренең 1 мәктәбендә быелгы уку елына  татар телен өйрәнү, үстерү һәм саклап калу  максатыннан чыгып“Болгар чишмәсе” милли клуб программасы төзелде һәм уңышлы гына эшен башлап җибәрде.Клубның дүрт төп юнәлеше бар:сәләтле балалар белән эшләү,сыйныфтан тыш чаралар үткәрү,ата-аналар белән эш һәм мәктәп музее эше.

       20 нче ноябрь көнне  мәктәптә милли клубның презентация кичәсе булды.Бу бәйрәмгә РОО ның өлкән инспекторы Игламова Әлфирә Фоат кызы,Ходжиева Гөлназ Гали кызы,районыбызда татар мәдәниятен үстерүгә күп көч куйган Мәмдүнә апа,редакциядә озак еллар  эшләүче Венера апа ,музей хезмәткәре Люция Шамилевна һәм әти-әниләр килде.Милли тәрбия бирү буенча директор урынбасары Гөлүсә Якуповна татар теле укытучылары милли клубның юнәлешләре турында сөйләп үтте.Хайруллина Әнисә Гаяз кызы җитәкчелегендә мәктәп укучылары “Аулак өй” бәйрәменнән фрагмент күрсәттеләр.Шунысы куандыра: татар балалары белән беррәттән рус телле укучылар да бу бәйрәмдә бик теләп катнашты.Аннан соң килгән кунаклар музей эше белән таныштылар.Татар теле һәм әдәбияты укытучысы Хасанова Фирдәүс Мингәрәй кызы җитәкләгән музей турында экскурсия алып баручы укучылар бик матур итеп чыгыш ясадылар. Соңыннан укучылар, әти-әниләр һәм килгән кунаклар татар халык сыйларыннан авыз иттеләр. Кунаклар бу бәйрәмнән бик канәгать булды.