Безнең мәктәбебез Астрахань өлкәсендә урнашкан Азамат Тасимов исемендәге Идел буе районы Килинчи гомуми белем мәктәбе белән хезмәттәшлек итә. Мәктәпнең татар теле укытучылары белән әлегә кадәр элемтә интернет челтәре аша бара иде. Бер-беребезнең эшчәнлеге , уку-укыту методлары турында хәбардар булып тордык. Ерак булса да, аралар әкренләп якыная барды. Киличи мәктәбендә системалы рәвештә конференцияләр, очрашулар үткәрелә. Укытучыларыбыз Муса Җәлилнең тууына 110 елга багышланган конференциягә үз хезмәтләрен җибәрделәр. Киличи мәктәбенең укучылары да һәр ел саен Татарстан республикасы Мәгариф һәм фән министрлыгы тарафыннан үткәрелә торган конференцияләрдә даими катнашырга тырышалар.Менә бу көннәрдә Яшел Үзән районында Каюм Насырига багышланган конференциядә катнашу өчен бертөркем укучылар республикабызка килделәр.Кичә алар белән очрашу үткәрелде.Кунакларга Фәизова Фирая Сафовна Казан шәһәренең тарихи һәм истәлекле урыннарын күрсәтеп йөрде. Алар белән фикерләр алышты. Аларның мәктәбендә татар теле һәм әдәбияттан дәреслекләрнең җитешмәвен искә алып, аларга тиздән үзебездә булган дәреслекләрне җибәрүне планлаштырдык.