27 сентябрь көнне гимназиябезнең бер төркем укытучылары  «Шәрык клубы»на экскурсиягә бардылар. Г.Камал исемендәге театрның «Шәрык клубы» Татар театры тарихының интерактив мультимедиа комплексы ХХ гасыр башы татар зыялыларының «Шәрык клубы» легендар берләшмәсе тарихи бинасында урнашкан. 1911 елның ноябреннән 1915 елга кадәр клуб сәхнәсендә «Сәйяр» - беренче татар профессиональ труппасы эшли. Татар театры тарихына багышланган мультимедиа комплексы «Вакыт елгасы» (театрның видео елъязмасы белән экран-дивар), спектакльләрдән AR-открыткалар, «Сәхнә арты», «Серле сәхнә», «Театр. Тарих. Шәхес» (милли театр сәнгатен формалаштыруга зур өлеш керткән шәхесләр һәм тарихи вакыйгалар турында интерактив проекцион китап), интерактив «Пазл» һәм башка кызыклы һәм мавыктыргыч экспозицияләрдән тора. «Шәрык клубы»нда кунак булу дәверендә мөгаллимнәр театр буенча виртуаль экскурсия ясадылар, грим-костюм бүлмәләрендә булып, үз-үзләрен артистлар янында сәхнәдә итеп хис иттеләр. Нинди генә предмет укытуларына карамастан, һәрберсе бик бай мәгълүмат һәм соклану хисе белән кайттылар.
ФОТО