“Муса Җәлилнең тууына 120 ел” планы нигезендә мәктәптә викториналар уздырылды. Беренче чара 9а һәм 9б сыйныфлары белән оештырылды.  Икенче чарада 6 нчы А сыйныфы укучылары үзара көч сынаштылар. Укучылар М.Җәлилнең тормыш юлын, иҗатын һәм иленә тугры калуы турында ныклы белемнәрен күрсәттеләр.

25 нче февраль көнне Туган тел айлыгы кысасында мәктәптә КВН үткәрелде. 5нче сыйныф укучылары татар телен белүдә көч сынаштылар. Төрле биремнәрне үтәү аша, грамматика өлкәсендә дә, туган якны, тарихи урыннарны һәм күренекле шәхесләрне белү буенча белемнәрен күрсәттеләр.

Туган тел айлыгы кысасында мәктәптә татар халык уеннары белән танышу оештырылды. Башта укучыларга татар халык уеннары турында мәгълүмат бирелде, кайбер уен буенча видеоматериал күрсәтелде. Соңыннан укучылар уеннар өйрәнделәр. Шулай ук татар халык биюе хәрәкәтләрен өйрәнеп, тәнәфесләрдә балалар теләп биеделәр.

20 нче февраль көнне мәктәптә “Туган телләр көне”нә багышланган "Татарстан халыклары — мәдәниятләр палитрасы" исемле әдәби кичә узды, ул дуслык һәм үзара хөрмәт бәйрәменә әверелде.

Сәхнәдән төрле телләрдә шигырьләр һәм җырлар яңгырады, төрле халык биюе күрсәтелде. Татарстан җирендә янәшә яшәгән халыкларның гореф-гадәтләре ачылды. Милли киемнәрнең ачыклыгы, көй һәм биюләр җылы күңел атмосферасы тудырды.

16 нчы февральдә “Батыр геройга дан!” исемле әдәби кичә уздырылды. Бу чара “М.Җәлилнең тууына 120 ел” планы нигезендә үткәрелде. Кичәдә шагыйрьнең шигырьләре укылды, җырлар яңгырады. Чарада 3, 4, 5, 6, 7 нче сыйныф укучылары катнашты.

14 нче февраль көнне татар халкының легендар җырчысы Илһам Шакиров истәлегенә багышланган чара булып узды. Укучылар җырчының тормыш юлы һәм иҗаты белән таныштылар, И.Шакиров башкаруында җырлар тыңладылар.

 “Муса Җәлилнең тууына 120 ел” планы нигезендә мәктәптә бердәм тематик дәресләр оештырылды. Актлар залында М.Җәлилгә багышланган презентация күрсәтелде һәм әңгәмә уздырылды. Бу дәрес шулай ук аерым сыйныфлар белән дә үткәрелде. Башлангыч сыйныфларда “Мой пес” мультфильмы күрсәтелде.

“Муса Җәлилнең тууына 120 ел” планы нигезендә, мәктәптә чаралар үткәрелә.  Муса Җәлилнең иҗаты белән танышу дәвам итә. 12 нче февральдәшагыйрьнең әсәрләре белән танышу 5в сыйныфында оештырылды.

“Муса Җәлилнең тууына 120 ел” планы нигезендә, февраль аенда Муса Җәлилнең иҗаты белән танышу дәвам итә. Аның әсәрләре буенча башлангыч сыйныф укучылары иллюстрация ясыйлар, соңыннан һәрберсе үз рәсемен яклап чыгыш ясый.

Февраль ае башында башлангыч сыйныф укучылары өчен мультфильмнар карау оештырылды.  Мультфильмнар Муса Җәлилнең әсәрләре буенча эшләнгән һәм бу чара “Муса Җәлилнең тууына 120 ел” планы нигезендә үткәрелде.