Кул кушырып утырып булмый!

  Бу көнннәрдә  лицеебыз  яны кырмыска оясын хәтерләтә.Җир кардан арынуга өмә башланып китте монда. Берәүләре тырмалап чүп-чар җыйса , икенчеләре аны читкә  ташып тора .Әнә өлкэн сыйныфтагылар  агач үсентеләре  утыртырга да  керешкәннәр Һәркемгә эш җитәрлек...

   Бишенче  сыйныф укучылары   быел урам өмәсендэ беренче тапкыр катнаша.Шуңа  кайберәүләренә эшнең  уңаен  укытучы апалары үзе  күрсәтеп  бирә.Ә менә игезәк кызлар Диләрә белән Лилия Назировалар кечкенәдән әниләренә булышып үскәннәр.Аларның Константиновкада бакчалары бар икән.”Анда эшсез кул кушырып утырып булмый шул!”,диләр кызлар бертавыштан.” Әйе шул кызлар, үз кулларыгыз белән эшләгән хезмәт кадерлерәк тә була әле ул “- дип сүзгә кушыла рус теле укытучысы Әлфия Яхиевна.

    Ишек алдын жыештыручы Ринат абыйлары исә малайларга  куакны  артык   ботакларыннан арындырып, аны тигезләп кисү серләрен төшендерә. “Тиздән иркенәеп  үсеп киткәннәрен күрербез “, ди ул .

   Зур урын биләп торган лицейның  тирә –ягын чистарту уку елы ахырына кадәр дәвам итәчәк.Өмәнең икенче өлешендә 300 төп агач һәм чәчәк утырту күздә тотылган.

Гөлназ Мөхәммәт