Бүген лицеебызда “Милли киемнәр, милли бизәкләр” көне узды.  Һәр укучы һәм укытучы миллилекне чагылдыра торган атрибутлар белән килгән иде: калфак, түбәтәй, яулык, алка, муенса, чулпы һ.б.Милли киемле егет-кызларыбыз матур көйләр уйнап, җырлар җырлап, һәркемне каршы алдылар. Мәктәп радиосыннан  милли киемнәр турында кызыклы мәгълүматлар сөйләнелде; тәнәфесләрдә “Түбәтәй” уены,  милли буягычлар буяу, пазллар җыю, кроссворд, ребуслар чишү, сорауларга җавап бирү оештырылды. Лицейда көне буена милли рух хөкем итте.